[ad_1]
Bike Parcel : ಕೆಲವೊಮ್ಮೆ ತುಂಬಾ ದೂರದ ಊರುಗಳಿಗೆ ಅಥವಾ ರಾಜ್ಯದಿಂದ ಹೊರ ರಾಜ್ಯಕ್ಕೆ ತಮ್ಮ ಬೈಕ್ ಅಥವಾ ಸ್ಕೂಟರ್ ಗಳನ್ನು ಸಾಗಿಸುವುದು ತುಂಬಾ ಕಷ್ಟಕರವಾಗಿರುತ್ತದೆ. ಇಂಥ ಸಂದರ್ಭದಲ್ಲಿ ರೈಲು ವ್ಯವಸ್ಥೆ ಇದ್ದರೆ ಬೈಕ್ ಕೊಂಡೊಯ್ಯಲು ಇದು ತುಂಬಾ ಅನುಕೂಲಕರವಾದ ಮಾರ್ಗ. ಆದರೆ ಹೆಚ್ಚಿನ ಜನರಿಗೆ ರೈಲಿನಲ್ಲಿ ಹೇಗೆ ಬೈಕನ್ನು ಇಲ್ಲಾ ಸ್ಕೂಟರ್ ಕೊಂಡೋಗೊಬಹುದು ಎಂದು ತಿಳಿದಿಲ್ಲ. ಹಾಗಿದ್ದರೆ ರೈಲಿನಲ್ಲಿ ಬೈಕನ್ನು ಪಾರ್ಸೆಲ್ ಮಾಡುವುದು ಹೇಗೆ ಎಂದು ತಿಳಿಯೋಣ ಬನ್ನಿ.
ಬೈಕುಗಳನ್ನು ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ಕೊಂಡೊಯ್ಯಲು ಭಾರತೀಯ ರೈಲ್ವೆ ಪಾರ್ಸೆಲ್ ಸೇವನೆಯನ್ನ ಒದಗಿಸುತ್ತಿದೆ. ನೀವು ನಿಮ್ಮ ಬೈಕ್ಅನ್ನ ಸರುಕ್ಷಿತವಾಗಿ ಎಲ್ಲಿ ಬೇಕಾದರೂ ರೈಲಿನ ಮೂಲಕ ಕಳುಹಿಸಬಹುದು. ಇದಕ್ಕಾಗಿ ಕೆಲವು ಪ್ರಕ್ರಿಯೆಗಳಿವೆ. ಈ ನಿಯಮಗಳನ್ನ ತಿಳಿದುಕೊಳ್ಳುವ ಮೂಲಕ ನೀವು ಸುಲಭವಾಗಿ ಬೈಕ್-ಸ್ಕೂಟರ್ಅನ್ನ ಕಳುಹಿಸಬಹುದು.
ಬೈಕ್ ಸಾಗಿಸಲು ಬೇಕಾದ ದಾಖಲೆಗಳು:
* RC (ನೋಂದಣಿ ಪ್ರಮಾಣಪತ್ರ):
* ವಿಮಾ ದಾಖಲೆಗಳು: ಬೈಕ್ ವಿಮೆ ಸಕ್ರಿಯವಾಗಿರಬೇಕು. ಅವಧಿ ಮೀರಿದ ವಿಮೆಯು ಬೈಕ್ ಬುಕ್ ಮಾಡುವಾಗ ಸಮಸ್ಯೆಗಳನ್ನ ಉಂಟುಮಾಡಬಹುದು.
* ಗುರುತಿನ ಚೀಟಿ: ಆಧಾರ್ ಕಾರ್ಡ್, ಚಾಲನಾ ಪರವಾನಗಿ ಅಥವಾ ಪ್ಯಾನ್ ಕಾರ್ಡ್ನಂತಹ ಗುರುತಿನ ಚೀಟಿಗಳನ್ನ ಕೊಂಡೊಯ್ಯಬೇಕು.
ನೀವು ನಿಮ್ಮ ಬೈಕ್ಅನ್ನ ಪಾರ್ಸೆಲ್ ಮಾಡುವಾಗ, ಈ ದಾಖಲೆಗಳನ್ನ ಸಲ್ಲಿಸಿದಾಗ ರೈಲ್ವೆ ಅಧಿಕಾರಿಗಳು ಬೈಕಿನ ತೂಕ, ಮಾದರಿ ಮತ್ತು ಇತರ ವಿವರಗಳನ್ನ ದಾಖಲಿಸುತ್ತಾರೆ. ನಂತರ ನಿಮಗೆ ಪಾರ್ಸೆಲ್ ರಶೀದಿಯನ್ನ ನೀಡಲಾಗುತ್ತದೆ. ಈ ರಶೀದಿ ಕೂಡ ಬಹಳ ಮುಖ್ಯ. ಏಕೆಂದರೆ ಬೈಕ್ಅನ್ನ ಮುಂದಿನ ನಿಲ್ದಾಣದಲ್ಲಿ ಪಡೆಯಲು ನೀವು ಅದನ್ನ ತೋರಿಸಬೇಕಾಗುತ್ತದೆ. ಹೀಗಾಗಿ ಈ ರಶೀದಿಯನ್ನ ಜೋಪಾನ ಮಾಡಬೇಕು.
ಅಲ್ಲದೆ ಬೈಕು ಕಳುಹಿಸುವಾಗ ಸರಿಯಾದ ಪ್ಯಾಕಿಂಗ್ ಸಹ ಮುಖ್ಯವಾಗಿದೆ. ಕಳುಹಿಸುವ ಮೊದಲು ಬೈಕ್ಅನ್ನ ಸರಿಯಾಗಿ ಪ್ಯಾಕ್ ಮಾಡುವುದು ಅತ್ಯಗತ್ಯ. ಈ ಪ್ಯಾಕಿಂಗ್ ಸೌಲಭ್ಯವು ರೈಲ್ವೆ ನಿಲ್ದಾಣಗಳಲ್ಲಿಯೇ ಲಭ್ಯವಿರುತ್ತದೆ. ನಿಮ್ಮ ಬೈಕ್ ಮತ್ತು ಸ್ಕೂಟರ್ ಪ್ಯಾಕ್ ಮಾಡಲು ಸುಮಾರು 300 ರಿಂದ 600 ರೂ. ವೆಚ್ಚವಾಗುತ್ತದೆ. ಕೆಲವೊಮ್ಮೆ ಹೆಚ್ಚಾಗಲೂಬಹುದು. ನೀವು ಹೆಚ್ಚುವರಿ ಖರ್ಚು ಮಾಡಲು ಬಯಸದಿದ್ದರೆ, ನೀವೇ ಬೈಕ್ಅನ್ನ ಪ್ಯಾಕ್ ಮಾಡಬಹುದು. ಅಲ್ಲದೆ ಬೈಕ್ಅನ್ನ ಪಾರ್ಸೆಲ್ಗೆ ನೀಡುವಾಗ ಬೈಕಿನ ಪೆಟ್ರೋಲ್ ಟ್ಯಾಂಕ್ ಖಾಲಿಯಾಗಿಡುವುದು ಮುಖ್ಯ.
The post Bike Parcel : ರೈಲಿನಲ್ಲಿ ಬೈಕ್, ಸ್ಕೂಟರ್ ಪಾರ್ಸೆಲ್ ಮಾಡುವುದು ಹೇಗೆ? ಇದು ಇಷ್ಟು ಸಿಂಪಲ್ ಅನ್ನೋದು ಗೊತ್ತಾ? appeared first on Hosakananda.
[ad_2]
Source link
Leave a Reply