[ad_1]
4
West Bengal : ಪಶ್ಚಿಮ ಬಂಗಾಳದ ಝಾರ್ಗ್ರಾಮ್ ನಗರದಲ್ಲಿ ಚುನಾವಣಾ ಪ್ರಚಾರ ಕೈಗೊಂಡ ಸಂದರ್ಭದಲ್ಲಿ ಪ್ರಧಾನಿ ಮೋದಿ ಅವರು ಮಂಡಕ್ಕಿ ಮಾರಾಟ ಮಾಡುವ ವಿಕ್ರಮ್ ಎಂಬಾತನ ಅಂಗಡಿಗೆ ಬಂದು 10 ರೂಪಾಯಿ ಮಂಡಕ್ಕಿಯನ್ನು ಕೊಂಡು ತಿಂದ ಘಟನೆ ದೇಶಾದ್ಯಂತ ವೈರಲ್ ಆಗಿತ್ತು. ವಿಕ್ರಂ ಕೂಡ ಈ ವಿಚಾರದಿಂದ ಬಾರಿ ಸಂತೋಷಪಟ್ಟಿದ್ದರು. ಆದರೆ ಇದೀಗ ಅಂಗಡಿಯವನಿಗೆ ಮೋದಿ ಕೊಟ್ಟ ಹತ್ತು ರೂಪಾಯಿ ನೋಟಿಗೆ ಬಾರಿ ಡಿಮ್ಯಾಂಡ್ ಕೇಳಿ ಬಂದಿದೆ.
ಪ್ರಧಾನಿ ಮೋದಿ ಅವರು ವಿಕ್ರಮ್ ಜೊತೆ ಸುಮಾರು 10 ನಿಮಿಷಗಳ ಕಾಲ ಆಪ್ತವಾಗಿ ಮಾತನಾಡಿದ್ದರು. ನೀವು ಈರುಳ್ಳಿ ತಿನ್ನುತ್ತೀರಾ ಎಂದು ವಿಕ್ರಮ್ ಕೇಳಿದಾಗ ಪ್ರಧಾನಿಗಳು ಸಾಮಾನ್ಯ ಗ್ರಾಹಕರಂತೆ ಉತ್ತರಿಸಿದ್ದಾರೆ. ವಿಕ್ರಮ್ ಮೂಲತಃ ಬಿಹಾರದ ಗಯಾ ಮೂಲದವರಾಗಿದ್ದು, ಬಡತನದ ಕಾರಣದಿಂದ ಕೇವಲ 9ನೇ ತರಗತಿಯವರೆಗೆ ಮಾತ್ರ ಓದಲು ಸಾಧ್ಯವಾಯಿತು ಎಂದು ಪ್ರಧಾನಿ ಬಳಿ ನೋವು ಹಂಚಿಕೊಂಡಿದ್ದರು. ಬಳಿಕ ಪ್ರಧಾನಿಯವರು 10 ರೂಪಾಯಿಯನ್ನು ಕೊಟ್ಟು ಮಂಡಕ್ಕಿಯನ್ನು ಖರೀದಿಸಿ ತಿಂದಿದ್ದರು. ಇದೀಗ ಮೋದಿ ಕೊಟ್ಟ ಹತ್ತು ರೂಪಾಯಿ ನೋಟಿಗೆ ಬಾರಿ ಡಿಮ್ಯಾಂಡ್ ಬಂದಿದ್ದು ಉದ್ಯಮಿ ಒಬ್ಬರು ಅಂಗಡಿಯವನ ಬಳಿ ದಾಖಲೆ ಬೆಲೆಗೆ 10 ರೂಪಾಯಿ ನೋಟನ್ನು ಕೊಡುವಂತೆ ಕೇಳಿದ್ದಾರೆ.
ಹೌದು ಈ ಹತ್ತು ರೂಪಾಯಿಯನ್ನು ತನಗೆ ನೀಡಿದರೆ ಅದರ ಬದಲಾಗಿ 1,11,000 ರೂಪಾಯಿ ನೀಡುವುದಾಗಿ ವ್ಯಕ್ತಿಯೊಬ್ಬರು ಆ ಚುರುಮುರಿ ಮಾಲೀಕನಿಗೆ ಆಫರ್ ನೀಡಿದ್ದಾರೆ ಎಂದು ವರದಿಯಾಗಿದೆ. ಹರ್ಯಾಣ ಮೂಲದ ವ್ಯಕ್ತಿಯೊಬ್ಬರು 1,11,000 ರೂ ನೀಡೋದಾಗಿ ಅವರು ಹೇಳಿದ್ದಾರೆ ಎಂದು ತಿಳಿದು ಬಂದಿದೆ. ಆದರೆ ಈ ವರದಿಯ ಬಗ್ಗೆ ಯಾವುದೇ ಮುಖ್ಯವಾಹಿನಿಯ ಮಾಧ್ಯಮಗಳಲ್ಲಿ ವರದಿ ಪ್ರಸಾರವಾಗಿಲ್ಲ, ಆದರೆ ಹೀಗೊಂದು ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ.
[ad_2]
Source link
Leave a Reply